Friday 11 February 2011

இங்கே ஏன் தேடுகிறாய்?

ஒரு குடிகாரன் கீழே குனிந்து எதையோ தேடிக் கொண்டிருந்தான். அதைக் கண்ட ஒருவன் 'நீ என்ன தேடுகிறாய்?' என்று கேட்டான்.

'என் கைக்கடிகாரம் கீழே விழுந்து விட்டது' என்றான் குடிகாரன். வந்தவனும் தேடிப் பார்த்தான் கைக்கடிகாரம் அகப்படவில்லை.

'உண்மையிலேயே - நீ கைக்கடிகாரத்தை தொலைத்தது உண்மையா?'

'ஆமாம்'

'எங்கே தொலைத்தாய்?'

'அடுத்த தெருவில் தொலைத்தேன்.'

'அதை இங்கே ஏன் தேடுகிறாய்?'

'அந்த தெருவில் லைட் இல்லை; வெளிச்சமும் இல்லை' என்றான் குடிகாரன்.